Issued Monday 10 January 2011
Sgoil Ghàidhlig Ghlaschu
Foghlam Tro Mheadhan na Gàidhlig
Tha Sgoil Ghàidhlig Ghlaschu a' toirt cothrom dhur cloinn Gàidhlig ionnsachadh agus a bhith faighinn an teagasg tro mheadhan na Gàidhlig, ged nach biodh eòlas sam bith aca air a' chanan ro làimh.
Ma tha pàiste agaibh a tha còig bliadhna a dh' aois eadar 1 Màrt 2011 agus 28mh A' Ghearrain 2012, bu chòir dhuibh an clàrachadh airson foghlam aig ur Bunsgoil ionadail.
Ma tha sibh airson gun tèid ur pàiste gu Bunsgoil Ghàidhlig Ghlaschu, bu choir dhuibh "Placing Request Form" (ri fhaighinn o Bunsgoil sam bith no o na h-Oifisean Foghlaim) a' lìonadh ag innse gu bheil sibh airson gun tèid ur pàiste gu Sgoil Ghàidhlig Ghlaschu.
Sgoil Ghàidhlig Ghlaschu
Àrainn Taobh Na Coille
147 Sràid Berkeley
Glaschu G3 7HP
Fòn: 0141 276 8500
Foghlam tro Mheadhan na Gàidhlig ann an Glaschu
Tha cànan is cultar na Gàidhlig nam pàirt de dhualchas na h-Alba agus tha a’ chomhairle airson taic a thoirt dhaibh. Thàinig Achd na Gàidhlig gu bith ann an 2006 agus bidh a’ chomhairle a’ leasachadh tuilleadh sheirbheisean airson taic a chur ris a’ chànan sa bhaile mar phàirt de a dleastanas a thaobh an reachdais seo.
Tha foghlam tro mheadhan na Gàidhlig na phàirt chudromach den ro-innleachd airson ath-bheothachadh a’ chànain. Ann an suidheachadh tro mheadhan na Gàidhlig tha an Curraicealam Albannach ga lìbhrigeadh tron Ghàidhlig agus ‘s i an cànan làitheil a th’aig a’ chloinn is na daoine òga san sgoil.
Foghlam Ro-5 tro Mheadhan na Gàidhlig
San t-seisean 2006-07 bidh seo ri fhaighinn ann an Sgoil Àraich Rowena, aig Sgoil Ùr Ghlaschu agus aig Sgoil Àraich nan Sgoilearan Beaga (solar com-pàirteachais aig Colaiste Langside).
Tha an curraicealam ga lìbhrigeadh tro mheadhan na Gàidhlig anns na trì àiteachan agus chan eil ro-eòlas air a’ chànan riatanach.